Mae Iechyd Cyhoeddus Cymru yn bwriadu gwella'r wybodaeth a ddarparwn i rieni/gofalwyr plant cyn oed ysgol ynghylch y brechiadau y gallent eu derbyn rhwng 0 a 5 oed.
Hoffem ofyn am farn a safbwyntiau rhieni/gwarcheidwaid plant 0-5 oed ynglŷn ag unrhyw wybodaeth y gallech fod wedi'i gweld ynghylch brechiadau, eich barn a'ch ymwybyddiaeth o frechiadau, a gwybodaeth am hanes brechu eich plentyn.
Rydym wedi llunio'r arolwg ar-lein hwn ar gyfer rhieni/gwarcheidwaid, a fydd yn cael ei rannu ledled Cymru i'n galluogi i gasglu'r wybodaeth hon.
Ni fydd yr arolwg byr hwn yn gofyn am wybodaeth bersonol fel enw, cyfeiriad na dyddiad geni. Mae yna hefyd opsiwn i dynnu'r atebion i'r arolwg yn ôl ar ôl ei gwblhau gan ddefnyddio rhif cyfeirnod unigryw, os byddwch chi'n newid eich meddwl ac nad ydych chi eisiau cymryd rhan mwyach.
Bydd yr arolwg yn ein helpu i ddatblygu adnoddau gwybodaeth gwell a mwy priodol, a byddai Iechyd Cyhoeddus Cymru yn gwerthfawrogi barn rhieni a gwarcheidwaid yn fawr er mwyn cyflawni hyn.
Mae'r arolwg yn cau 30ain Tachwedd 2025